QUBADLI MÜƏLLİMLƏRİ YENİ DƏRS İLİNİN VƏZİFƏLƏRİNİ MÜZAKİRƏ ETMİŞLƏR
Konfransdan əvvəl təhsil naziri Misir Mərdanov Sumqayıt şəhərində fəaliyyət göstərən Qubadlı rayon Çardaqlı, Xələc və İşıqlı kənd məktəblərində yeni dərs ilinə hazırlığın vəziyyəti ilə tanış olmuşdur.
Dövlət himni səsləndikdən, şəhidlərin xatirəsi bir dəqiqəlik sükutla yad edildikdən sonra rayon təhsil şöbəsinin müdiri Afət Allahverdiyeva hesabat məruzəsi ilə çıxış etmişdir.
Qeyd olunmuşdur ki, 2002-2003-cü dərs ilində rayon üzrə 41 ümumtəhsil məktəbi və 5 məktəbdənkənar tərbiyə müəssisəsi fəaliyyət göstərmişdir. Cari dərs ilində rayon üzrə 5 min 683 nəfər şagirdin təlimi və tərbiyəsi ilə 839 müəllim məşğul olmuşdur. Ayrı-ayrı fənlər üzrə tədrisin keyfiyyətinin yüksəldilməsi, fənnə şagird marağının artırılması məqsədi ilə il ərzində fənn ayları keçirilmişdir. Bu il məzunlardan 188 nəfər ali məktəblərə qəbul üçün sənəd vermiş, onlardan 100 nəfəri test imtahanında yüksək bal toplayaraq, tələbə adını qazanmışdır.
Təhsil naziri Misir Mərdanovun “Respublikada yeni dərs ilinə hazırlığın vəziyyəti və yeniliklər” mövzusunda məruzəsi böyük diqqət və maraqla dinlənilmişdir.
Təhsildə fərqlənmiş bir qrup müəllim və məzuna qiymətli hədiyyələr təqdim edilmişdir.
Respublika müəllimlərinin XII qurultayına nümayəndələr seçilmişdir.
Bölmənin digər xəbərləri
