QURUCULUQ İŞLƏRİNİN GENİŞLƏNDİYİ YEVLAXDA YENİ İŞ YERLƏRİNİN AÇILMASI DİQQƏT MƏRKƏZİNDƏDİR
Rayon icra hakimiyyətindən AZƏRTAC-a verilən məlumata görə, bu yaxınlarda keçirilmiş əmək yarmarkasında yerli müəssisə və təşkilatlar tərəfindən 342, təhsil müəssisələri tərəfindən isə 90 nəfərə boş iş yerləri təklif olunmuşdur. Yarmarkanın yekunlarına əsasən, 167 nəfər dövlət və özəl istehsal sahələrinə, haqqı ödənilən ictimai işlərə, 59 nəfər isə təhsil müəssisələrinə işə göndərilmişdir ki, bunun da 53 faizini gənclər təşkil edir. Yeni iş yeri alanlardan 4-ü şəhid ailəsi üzvü, biri Qarabağ müharibəsi əlili, 5-i məcburi köçkündür.
Regionların sosial-iqtisadi inkişafına dair Dövlət proqramından irəli gələn vəzifələrin, yeni layihələrin Yevlaxda uğurla həyata keçirilməsi, quruculuq və abadlıq işlərinin davam etdirilməsi, yeni obyektlərin istifadəyə verilməsi ilə bağlı görülən tədbirlər əhalinin məşğulluğunun artırılması, yaşayış səviyyəsinin yaxşılaşdırılması üçün yeni imkanlar açır.
Bölmənin digər xəbərləri
