QUSAR RAYONUNDA İXTİSASDƏYİŞMƏ KURSU TƏŞKİL EDİLƏCƏKDİR
Təhsil naziri Misir Mərdanov AZƏRTAC-ın müxbirinə bildirmişdir ki, Qusar rayonunun ümumtəhsil məktəblərində Azərbaycan dili fənn müəllimlərinə olan ehtiyacı ödəmək məqsədilə rayonun mərkəzində ixtisasdəyişmə kursu təşkil ediləcəkdir. Nazirliyin və Azərbaycan Müəllimlər İnstitutunun Quba filialının köməyi ilə yaradılan qısa müddətli kurslarda dərslər, əsasən şənbə və bazar günlərində keçiriləcəkdir. Kursu bitirən müəllimlərə nazirliyin xüsusi sertifikatı veriləcək və onlar təhsil ocaqlarında Azərbaycan dili fənnini tədris edəcəklər.
Bölmənin digər xəbərləri
