Qusarın Ləzə kəndində mənfi 17 dərəcə temperatur qeydə alınıb
Qusar, 24 yanvar, Elxan Yusifli, AZƏRTAC
Qusarın Ləzə kəndində temperatur mənfi 17 dərəcəyədək aşağı düşüb.
Qubada yerləşən Şimal-Şərq Regional Hidrometeorologiya Mərkəzindən AZƏRTAC-ın bölgə müxbirinə bildiriblər ki, yanvarın 23-də gecə saatlarından başlayaraq Quba, Qusar və Xızı rayonlarının ərazisinə qar yağır.
Ən çox qar Qusara yağıb. Rayonun Ləzə kəndində qarın hündürlüyü 15 santimetrə çatır.
Qubanın Xınalıq kəndində 6, Qırızda 7, həmçinin Xızının Altıağac qəsəbəsində qarın hündürlüyü 2 santimetrdir.
Şimal rayonlarında hazırda qar yağmaqda davam edir.
Bölmənin digər xəbərləri
