Qvatemala Prezidenti COVID-19 səbəbindən distant iş rejiminə keçib
Bakı, 8 iyun, AZƏRTAC
Qvatemala lideri Alehandro Cammattei prezident sarayının 18 əməkdaşının koronavirus testi pozitiv çıxdıqdan sonra distant iş rejiminə keçmək barədə qərar qəbul edib.
AZƏRTAC bu barədə Qvatemala Prezidentinin “Twitter” səhifəsinə istinadla xəbər verir.
“Prezident sarayında çalışan 18 nəfərin koronavirus testinin nəticələri müsbət çıxıb. Otaqların dezinfeksiya edilməsi və personalın izolyasiya olunması barədə göstəriş vermişəm. Vitse-prezident Gilyermo Kastilyo Reyes və mən distant rejimdə çalışacağıq”, - deyə Alehandro Cammattei yazıb.
Qeyd edək ki, Pandemiyanın statistikasını aparan Worldometer saytının Bakı vaxtı ilə bu gün saat 17:30-a olan məlumatına əsasən, Qvatemalada 7 min 55 yoluxma və 252 ölüm faktı qeydə alınıb.
Bölmənin digər xəbərləri
