REGİONAL İNNOVASİYA ZONASININ YARADILMASI ÜZRƏ İŞLƏR DAVAM ETDİRİLİR
AZƏRTAC xəbər verir ki, Rabitə və İnformasiya Texnologiyaları Nazirliyi məsləhətçi şirkət, beynəlxalq və yerli mütəxəssislərlə birlikdə Regional İnnovasiya Zonasının (RİZ) yaradılması üzrə hazırlanmış təkliflərin yaxın vaxtlarda müzakirəsini keçirəcəkdir. Hazırda bu istiqamətdə müvafiq işlər görülür.
RİZ bütün ölkə miqyasında informasiya-kommunikasiya texnologiyaları və digər texnoloji tutumlu məhsul və xidmətlərin istehsalı, istehlakı, ixracı ilə məşğul olan özəl, dövlət, yerli və xarici şirkətlər üçün güzəştli monitar, fiskal, tarif və digər xidmətlərin yaradılmasını nəzərdə tutur. RİZ çərçivəsində dövlət dəstəyinə əsaslanan təhsil və tədqiqat mərkəzlərinin, o cümlədən informasiya texnologiyaları universitetinin, innovasiyayönümlü kiçik və orta sahibkarlığın yaradılması planlaşdırılır.
Bölmənin digər xəbərləri
