RƏHBƏRƏ ÜMUMXALQ MƏHƏBBƏTİ İFADƏ OLUNDU
İyulun 14-də Gəncənin mərkəzi meydanı əsl bayram libası geyinmişdi. Gəncəlilər onlara bugünkü əmin-amanlığı, xoşbəxtliyi bəxş edən böyük məhəbbət və ehtiram bəslədikləri xalqımızın dünya şöhrətli lideri, çətin məqamlarda respublikamızı bütün təhlükələrdən xilas edən Heydər Əliyevin Azərbaycana rəhbərliyinin 34 illiyi münasibətilə keçirilən ümumşəhər şənliyinə toplaşmışdılar. Meydan müstəqil respublikamızın memarı və qurucusu olan bu dahi şəxsiyyətin portretləri ilə bəzədilmişdi. Bir azdan diktorun səsi on minlərlə tamaşaçının alqışlarına qarışdı. Ümummilli lider səviyyəsinədək ucalan, dünya siyasətində öz yeri və mövqeyi olan Heydər Əliyevin 34 illik fəaliyyəti qeyri-ixtiyari olaraq yaddaşlarda canlandı. Onun misilsiz xidmətləri xəyali olaraq kino lenti kimi göz önündən keçdi. Ölkəmizin başçısının Gəncəyə və gəncəlilərə olan sonsuz məhəbbətindən söz açıldı. Qarşıdan gələn prezident seçkilərində şəhər sakinlərinin yalnız Heydər Əliyevi yenidən prezident görmək arzusu ifadə olundu. Respublikamızın və Gəncənin incəsənət ustalarının maraqlı çıxışları bayram şənliyinə xoş ovqat bəxş etdi. Ümumşəhər şənliyi atəşfəşanlıqla başa çatdı.
Bölmənin digər xəbərləri
