RƏSM MÜSABİQƏ-SƏRGİSİ AÇILMIŞDIR
“Əhali və inkişaf” devizi altında keçirilən tədbirdə üç yaş qrupundan -16-18, 19-21, 22-dən yuxarı olan gənclərin 50-dən artıq işi təqdim olunmuşdur.
BMT-nin Azərbaycandakı rezident-əlaqələndiricisi Marko Borsotti, gənclər və idman nazirinin müavini İntiqam Babayev, Rəssamlar İttifaqının katibi Ağəli İbrahimov, qalereyanın direktoru Eldəniz İbrahimov tədbirin əhəmiyyətindən danışmışlar. Bildirmişlər ki, məqsəd əhalinin inkişafına diqqəti artırmaq, gənc rəssamlarda bu mövzulara meyli gücləndirmək, onların əsərlərinin satışını təşkil etməkdir.
Xatırladaq ki, belə sərgi on ildir keçirilir.
Münsiflər heyətinin qərarına əsasən, hər üç yaş qrupunda ilk üç yeri tutan müəlliflərə hədiyyələr və diplomlar təqdim olunmuşdur. Birinci yaş qrupunda Kənan Şirinov “Gənc ailə”, ikincidə Nəzrin Rəcəbova “Balerina”, üçüncüdə Məhbubə Məmmədli “Etiqadın işığı” əsərlərinə görə müsabiqənin birinci mükafatına layiq görülmüşlər.
Sərgi iyulun 12-dək davam edəcəkdir.
Bölmənin digər xəbərləri
