RF DÖVLƏT DUMASI HÖKUMƏTƏ ÖLKƏ ƏRAZİSİNDƏ MİQRASİYA PROSESLƏRİNİ QAYDAYA SALMAĞI TƏKLİF EDİR
Müraciətdə deyilir ki, Rusiyada əcnəbilərin və vətəndaşlığı olmayan şəxslərin uçota və qeydiyyata alınması sistemi günün tələblərinə cavab vermir və qanunsuz miqrasiya ilə mübarizədə səmərəli vasitə deyildir. Qeyd olunur ki, qanunsuz miqrantların çoxalması gizli iqtisadiyyat sektorunu genişləndirir, cinayətkarlığın artmasına kömək edir, korrupsiya üçün şərait yaradır, millətlərarası münaqişələrin gərginləşməsinə gətirib çıxarır.
Rusiya parlamentinin üzvləri Prezidentdən ölkədə biometrik parametrlərdən istifadə olunmaqla pasport–viza sənədlərinin hazırlanıb tətbiq olunmasını xahiş edirlər.
Hökumətə təklif edilir ki, vizasız rejimin tətbiq olunduğu bir sıra MDB ölkələri ilə sazişlərə yuxarıda göstərilən dəyişikliklər edilməsi barədə protokolları RF XİN-in imzalamasının mümkünlüyünü nəzərdən keçirsin.
Bu təklifləri 337 deputat dəstəkləmişdir.
Qeyd edək ki, hazırda Azərbaycanla Rusiya arasında vizasız rejim sistemi qüvvədədir.
Bölmənin digər xəbərləri
