ROMA PAPASINA SUİ-QƏSDİN ARXASINDA KİMLƏR DURURDU?
Sui-qəsdin səbəbləri indiyədək məlum deyildir. Lakin Qərb KİV-lərində dəfələrlə xəbər verilmişdir ki, bu cinayətdə sovet Dövlət Təhlükəsizliyi Komitəsinin, habelə Almaniya Demokratik Respublikası və Bolqarıstanın xüsusi xidmət orqanlarının əli olmuşdur.
Roma Papasına sui-qəsdi araşdırmış sabiq italyan hakimi Ferdinando İmposimato yanvarın 11-də xəbərdarlıq etmişdir ki, Ağcanın həyatına təhlükə var, çünki o, həddindən çox məxfi məlumata malikdir.
İmposimato keçmiş sovet bloku dövlətlərinin Ağca tərəfindən törədilən cinayətdə əli olduğuna əmindir və hesab edir ki, onu elə özünün təhlükəsizliyi naminə həbsxanada saxlamaq lazımdır.
Xatırladaq ki, Türkiyədə Ağca 1979-cu ildə tanınmış jurnalist Abdi İpəkçini öldürdüyünə, habelə iki bankın qarət olunmasında iştirak etdiyinə görə cəza çəkmişdir. Lakin həbsxanada özünü yaxşı apardığına görə, məhkəmə onun həbsdə saxlanmaq müddətini azaltmış və azadlığa buraxılması haqqında qərar çıxarmışdır.
İndi o, ümumi hərbi mükəlləfiyyət haqqında qanuna uyğun olaraq, 15 ay orduda xidmət etməlidir.
Bölmənin digər xəbərləri
