RUSİYA BEYNƏLXALQ HÜQUQ ASSOSİASİYASININ KONFRANSI KEÇİRİLMİŞDİR
Ombudsman Aparatından AZƏRTAC-a bildirmişlər ki, “Müasir beynəlxalq hüququn aktual problemləri, BMT-nin islahatı və insan hüquqları” mövzusunda Moskvada keçirilmiş növbəti konfransda ABŞ, Rusiya Federasiyası (RF), Fransa, Böyük Britaniya, Avstriya və digər ölkələrin nümayəndələri iştirak etmişlər.
Konfransda Z.Əliyevin “Avropa İnsan Hüquqları Məhkəməsinin yurisdiksiyası və Azərbaycan Respublikasının milli hüququ” mövzusunda çıxışı dinlənilmişdir.
O, konfrans iştirakçılarına Xocalı soyqırımı və erməni millətçilərinin ölkəmizə qarşı törətdiyi digər terror aktları ilə bağlı Azərbaycan ombudsmanının bəyanatları yazılmış disk, erməni təcavüzünün nəticələrini əks etdirən xəritə və “Erməni terroru” sənədli filmini təqdim etmişdir.
Z.Əliyev, həmçinin Avropa Şurasının Rusiya Federasiyasındakı nümayəndəliyinin rəhbəri N.Toporninlə görüşmüşdür.
Bölmənin digər xəbərləri
