RUSİYA HƏRBİ DƏNİZ DONANMASININ TƏYYARƏSİNDƏ YANĞIN BAŞ VERMİŞDİR

10.07.2006 [19:42]
Çap et
A⁺ A^-

AZƏRTAC İTAR-TASS-a istinadla xəbər verir ki, iyulun 10-da Rusiya hərbi dəniz donanmasının Tu-134 sərnişin təyyarəsi Krıma enməli olmuşdur. Təyyarədə 20 adam, o cümlədən RF Hərbi Dəniz Donanmasının baş komandanı admiral Vladimir Masorin vardı. Alova bürünən təyyarə enmə zolağından kənara çıxmış və parçalanmışdır.

RF HDD baş komandanının köməkçisi İqor Dıqalo agentliyin müxbirinə bildirmişdir ki, qəza nəticəsində üç adam xəsarət almışdır. Baş komandanın özünə heç nə olmamışdır. Onun sözlərinə görə, təyyarə havada olarkən mühərriklərdən biri sıradan çıxmışdır. Hadisənin səbəbləri ilə əlaqədar ehtimallardan birinə görə, mühərrikin turbininə kənar əşyalar, o cümlədən quş düşmüşdür.

Krımda olan Masorin Qara dəniz donanması xilasedicilərinin təlimlərini müşahidə edirdi.