Rusiya ilə Azərbaycan arasında təhsil sahəsində əməkdaşlığın perspektivləri barədə müzakirələr aparılıb
Moskva, 27 sentyabr, AZƏRTAC
Rusiya ilə Azərbaycan arasında təhsil sahəsində əməkdaşlığın perspektivləri müzakirə olunub.
AZƏRTAC xəbər verir ki, Rusiya Təhsil Nazirliyində keçirilən görüşdə dövlət katibi - Rusiya Federasiyası təhsil nazirinin müavini Andrey Korneyev və Azərbaycanın elm və təhsil nazirinin müavini Firudin Qurbanov iştirak ediblər.
Andrey Korneyev rus dilinin öyrənilməsinə verdiyi dəstəyə görə Azərbaycan tərəfinə təşəkkür edib. O bildirib ki, Rusiya təhsil sahəsində, o cümlədən professor-müəllim heyətinin ixtisasının artırılması üzrə Azərbaycanla əməkdaşlığı inkişaf etdirməyə hazırdır.
Görüş zamanı tərəflər orta ixtisas təhsili sahəsində Rusiya-Azərbaycan əməkdaşlığının inkişafının müzakirəsinə böyük diqqət yetiriblər.
Azərbaycan Respublikasının nümayəndə heyəti bu ilin noyabr ayında Sankt-Peterburqda keçiriləcək “Peşəkarlar” adlı peşəkar bacarıqlar çempionatı çərçivəsində tədbirlərdə iştirak etmək dəvəti alıb.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
