RUSİYA İRANA HAVA HÜCUMUNDAN MÜDAFİƏ SİSTEMLƏRİ GÖNDƏRİLMƏSİ HAQQINDA MÜQAVİLƏNİ TAM YERİNƏ YETİRƏCƏK
O demişdir: “Əminəm ki, bu texnika strateji təyinatlı deyildir. Onun bu gün-sabah göndərilməsi məsələsi texniki səbəblərə görə həll edilə bilməz, lakin onun nüvə silahının yayılmaması sahəsində Rusiyanın beynəlxalq öhdəliklərinə uyğun olaraq və müvafiq təşkilatların nəzarəti altında göndəriləcəyinə şübhə yoxdur”.
Planlaşdırıldığına görə, İrana Top-M1 sistemlərinin 30 kompleksi göndəriləcək və onlar İslam Respublikasının ən mühüm dövlət və hərbi obyektlərini, ilk növbədə, İsfahan, Buşer, Tehran və ölkənin şərqindəki nüvə obyektlərini qoruyacaqdır. Müqavilənin ümumi dəyəri 1,4 milyard dollardır.
Top-M1 sistemləri hava hücumundan müdafiə vəzifələrini divizion səviyyəsində həll etmək üçün nəzərdə tutulan zenit-raket silahı kompleksidir və hər cür hava şəraitində tətbiq olunur. O, qanadlı raketlərdən, idarə olunan aviasiya bombalarından, təyyarə və vertolyotlardan, pilotsuz və uzaqdan istiqamətləndirilən zərbə aparatlarından səmərəli müdafiəni təmin edir.
Bölmənin digər xəbərləri
