RUSİYADA ƏHALİNİN HƏR 100 MİN NƏFƏRİNDƏN 160-I QİÇS VİRUSUNA YOLUXMUŞDUR
Əslində isə yoluxanların sayı bir neçə dəfə çoxdur və təxminən 1 milyon nəfərə çatmışdır. Onların 80 faizindən çoxu narkotik maddələr qəbul edən 30 yaşınadək gənclərdir. Yekaterinburqda, Orenburqda, Tolyattidə, İrkutskda, Xantı-Mansidə əhalinin hər 100 nəfərdən biri, kişilərin isə 5 faizi virus daşıyıcısıdır. Dünya statistikasına görə, İÇV məhz Rusiyada çox böyük sürətlə yayılır.
Həkimlər bu virusa yoluxmuş anaların dünyaya gətirdikləri uşaqların sayının artmasından daha çox narahatdırlar. Hazırda ölkədə 4,5 min belə körpə var. Müvafiq profilaktik tədbirlər nəticəsində yoluxma riski 4-9 faiz azalır. Rusiyada hər il həyata keçirilən belə tədbirlər 90 milyon rubla başa gəlir.
Bəşəriyyətə 30 il bundan əvvəl məlum olmuş QİÇS xəstəliyi bu dövr ərzində 20 milyon adamın həyatına son qoymuşdur.
Bölmənin digər xəbərləri
