Rusiyalı mütəxəssislər tərəfindən Bakıda laborator diaqnostika üzrə kurslar keçirilir
Bakı, 13 iyun (AZƏRTAC). Rusiya Federasiyasının Diplomdan sonrakı Tibb Akademiyasının mütəxəssisləri tərəfindən iyun ayının 9-dan etibarən Bakıda laborator diaqnostika, eləcə də şüa diaqnostikası üzrə kurslar təşkil olunmuşdur.
Səhiyyə Nazirliyinin mətbuat xidmətindən AZƏRTAC-a bildirmişlər ki, kurslarda Azərbaycanın dövlət xəstəxana və tibb mərkəzlərində çalışan, ən azı öz ixtisası üzrə 3-5 il iş təcrübəsi olan, rus dilini yaxşı bilən mütəxəssislər iştirak edirlər.
Kurslar Azərbaycan Respublikasının Səhiyyə Nazirliyi ilə Rusiya Federasiyasının Diplomdan sonrakı Tibb Akademiyası arasında imzalanmış sazişə əsasən keçirilir.
Əziz Əliyev adına Azərbaycan Dövlət Həkimləri Təkmilləşdirmə İnstitutunda keçirilən kurslar iyunun 28-də başa çatacaqdır.
Bölmənin digər xəbərləri
