Saatlıda əhaliyə göstərilən nəqliyyat xidmətinin həcmi 37 faiz artıb
Saatlı, 23 noyabr, Aydın Yavərzadə, AZƏRTAC
Saatlıda 2022-сi ilin yanvar-sentyabr ayları ərzində nəqliyyat müəssisələri və nəqliyyat sahəsində fəaliyyət göstərən fiziki şəxslər tərəfindən göstərilən xidmətin həcmi 2 milyon 699,6 min manat olub ki, bu da ötən ilin müvafiq dövrü ilə müqayisədə 729,4 min manat və ya 37 faiz çox təşkil edib.
Saatlı rayon Statistika idarəsindən AZƏRTAC-ın bölgə müxbirinə verilən məlumata görə göstərilən xidmətlərin həcmindən 2 milyon 424,2 min manatı fiziki şəxslərin, 275,4 min manatı isə hüquqi şəxslərin payına düşüb. Fiziki şəxslər tərəfindən cari ilin ilk doqquz ayında 340 min ton yük, 3 milyon 950 min sərnişin daşınıb ki, bu da ötən ilin müvafiq dövrü ilə müqayisədə 36 min ton və ya 11,8 faiz çox yük, 800 min və ya 25,4 faiz çox sərnişin deməkdir.
Bölmənin digər xəbərləri
