ŞAHBAZYAN VƏ QULDUR DƏSTƏSİNİN ÜZVLƏRİ TUTULMUŞLAR

02.08.2003 [11:53]
Çap et
A⁺ A^-

AZƏRTAC-ın Ukraynadakı xüsusi müxbiri xəbər verir ki, Dnepropetrovsk vilayətinin Novomoskovsk şəhərində quldurcasına basqın törədilmişdir, basqına burada yaşayan azərbaycanlı ailəsi məruz qalmışdır. Cinayətkarlar evdəkilərin hamısını amansızcasına döymüş, qızıl əşyaları və bir neçə min qrivna pul aparmışlar. Təəssüf ki, onları dərhal yaxalamaq mümkün olmamışdır. Lakin istintaqı aparan hüquq-mühafizə orqanlarının əməkdaşları cinayətkarların izinə düşmüşlər. Müəyyən edilmişdir ki, maskalı quldurlar dörd nəfər olub və hamısı qafqazlı aksenti ilə danışırlarmış.

Əməliyyat işçiləri hadisə yerinə baxış keçirərkən zərər çəkmiş ailəyə tanış olan şəxslərə diqqət yetirmişlər. Onların biri - heç yerdə işləməyən yerli sakin, əslən ermənistanlı olan Şahbazyan şübhə doğurmuşdur. İnformatorlar bildirmişlər ki, o, əvvəllər Novomoskovskın cinayətkar qruplaşmalarından birinin üzvü olmuşdur. Odur ki, erməniyə göz qoymuşlar. Nəticədə, əməliyyat işçilərinin şübhəsi doğru çıxmışdır.

Hüquq-mühafizə orqanlarının əməkdaşları kompleks əməliyyat tədbirləri keçirərək, Şahbazyanın cinayətkar qruplaşma ilə əlaqədə olduğunu müəyyənləşdirmiş və tezliklə bu dəstəni yaxalamışlar.

Lakin məhkəmə zamanı Şahbazyan və əlaltıları mühafizənin odlu silahını zor gücünə ələ keçirərək, girovlar götürmüş, mühafizəçi əsgəri yaralayaraq aradan çıxmışlar. Buna baxmayaraq, quldurlar tezliklə tutulmuşlar.

ŞAHBAZYAN VƏ QULDUR DƏSTƏSİNİN ÜZVLƏRİ TUTULMUŞLAR

MÜƏLLİFLƏ ƏLAQƏ

Bölmənin digər xəbərləri