SAHƏLƏR ARATA QOYULUR
Keçən il Kürdəmir rayonunda 368 fiziki və 4 hüquqi şəxs pambıq əkib-becərmiş, ümumilikdə, 3 min 11 ton məhsul istehsal edilmişdir. İstehsal həcmi inişilkinə nisbətən 283 ton artmışdır. Pambıqçılıqla məşğul olan torpaq mülkiyyətçiləri hazırda yaz tarla işlərinə ciddi hazırlaşır, yüksək məhsul üçün indidən möhkəm bünövrə yaradılır.
Rayon icra hakimiyyətindən AZƏRTAC-ın müxbirinə bildirmişlər ki, cari ildə 2 min 500 hektardan çox sahədə çiyid səpiləcəyi gözlənilir. Bu məqsədlə hələlik 1500 hektarda dondurma şumu aparılmışdır. Bu günlər sakinlər arat işlərinə başlamışlar.
Bölmənin digər xəbərləri
