SAHİBKARLIĞIN İNKİŞAFI ÜÇÜN DAHA BİR İMKAN YARADILMIŞDIR
“Azərbaycan Respublikasında 1995-1998-ci illərdə dövlət mülkiyyətinin özəlləşdirilməsinin Dövlət Proqramı”na uyğun olaraq, özəlləşdirilmiş kiçik müəssisələrin alıcılarının möhlətli ödəmə üzrə vaxtı ötmüş borclarının güzəştli şərtlərlə ödənilməsi ilə bağlı yeni qanunun qəbulu dövlət başçısı Heydər Əliyevin orta və kiçik sahibkarlığın inkişafına daha bir qayğısıdır. Milli Məclisin iqtisadi siyasət daimi komissiyası sədrinin müavini Əli Əlirzayev demişdir ki, prezidentin imzası ilə parlamentə daxil olmuş bu Qanun artıq Milli Məclisdə qəbul olunmuşdur. Həmin Qanunda borcların ödənilməsi üçün tətbiq edilən güzəştlər kiçik sahibkarlığın inkişafına yeni təkan verəcəkdir. Hazırda respublikada dövlətə borclu olan 4 min 800-dək özəlləşdirilmiş kiçik müəssisə var. Bu müəssisələrin borclarının məbləği təxminən 2,5 milyon dollar təşkil edir. Borclarını ödəyə bilməyən müəssisələrin yarıdan çoxu artıq iflic vəziyyətinə düşübdür. Borcların ödənilməsində güzəştlər onlara fəaliyyətlərini yenidən genişləndirməyə imkan verəcəkdir.
Bölmənin digər xəbərləri
