ŞAHZADƏ HARRİ AFRİKAYA XƏSTƏ UŞAQLAR ÜÇÜN MƏKTƏB TİKMƏYƏ GETMİŞDİR
AZƏRTAC xəbər verir ki, Uels şahzadəsi Çarlzın kiçik oğlu şahzadə Harri saray süvari qoşununun digər 26 hərbi qulluqçusu ilə birlikdə Afrikanın cənubunda yerləşən kiçik Lesoto ölkəsinə yola düşmüşdür. O, burada əqli və fiziki cəhətdən qüsurları olan uşaqlar üçün məktəbin tikintisində iştirak edəcəkdir. Bunu şahzadənin himayə etdiyi “Sentebale” xeyriyyə fondunun direktoru Harper Braun bildirmişdir.
Yaxın üç həftə ərzində Harri və onun yoldaşları panduslar tikəcək, damı örtəcək, binanı hasara alacaq və malalayacaqlar.
Şahzadə Lesotonu yaxşı tanıyır - o, məktəbi bitirdikdən sonra bu krallıqda bir il yaşamışdır. Lesotonun şimalında yarımuçuq məktəb binasını bərpa etmək ideyası şahzadə Harriyə və Lesoto kralının kiçik qardaşı şahzadə Siizoya məxsusdur.
Bölmənin digər xəbərləri
