ŞAİRİN XATİRƏSİ 100 BƏNÖVŞƏ İLƏ YAD EDİLMİŞDİR

21.04.2006 [21:44]
Çap et
A⁺ A^-

AZƏRTAC xəbər verir ki, aprelin 21-də Səməd Vurğunun Fəxri xiyabandakı abidəsi önündə Qusar rayonundan gəlmiş təhsil və mədəniyyət işçiləri, ziyalılar, icra hakimiyyəti nümayəndələri böyük şairin xatirəsini yad etmişlər.

Şairin məzarı önünə 100 illiyin rəmzi 100 ədəd tər bənövşə düzülmüşdür.

Tələbə ikən şairlə həmsöhbət olmuş rayon sakini İsgəndər Quliyev xatirələrini söyləmiş, məşhur “Bənövşə” şeirinin yaranma tarixindən danışmışdır. Qocaman ədəbiyyat müəllimi Nurməd Zəkiyev şairin Ali Sovetə ilk dəfə məhz Qusar rayonundan namizəd göstərildiyini vurğulayaraq, onun kənd sakinləri ilə münasibətlərindən, bir insan kimi xeyirxahlığından söz açmışdır. Qusar rayonundan gəlmiş axund şairin ruhuna dualar oxumuşdur.

Sonda şairin qızı, Səməd Vurğun fondunun prezidenti, sənətkarın ev-muzeyinin direktoru Aybəniz Vəkilova atası ilə bağlı xatirələrini danışmış, diqqət və ehtiramlarına görə qonaqlara minnətdarlığını bildirmişdir.

ŞAİRİN XATİRƏSİ 100 BƏNÖVŞƏ İLƏ YAD EDİLMİŞDİR

MÜƏLLİFLƏ ƏLAQƏ

Bölmənin digər xəbərləri