SALYANDA QARDAŞ QARDAŞI QƏTLƏ YETİRMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Salyan rayonundakı “Büllur” şadlıq evində keçirilən toy mərasimində Kür Qaraqaşlı kənd sakini Məmməd Kərimov və qardaşı Müşfiq sərxoş halda münaqişə zəminində biri-birinə bıçaqla xəsarət yetirmişlər. Müşfiq hadisə yerində ölmüş, Məmməd isə xəstəxanaya yerləşdirilmişdir.
Qax rayonunun Qax İngiloy kəndinin sakini Qoqita Kosiaşvili bıçaq yarası ilə xəstəxanaya gətirilmiş və aldığı xəsarətdən orada ölmüşdür.
Hadisəni törətmiş Qax İngiloy kənd sakini İmeda Otaraşvili Cinayət-Axtarış Baş İdarəsi və Qax Rayon Polis Şöbəsi əməkdaşlarının birgə keçirdikləri əməliyyat-axtarış tədbirləri nəticəsində tutulmuşdur.
Hər iki faktla bağlı cinayət işi açılmışdır, araşdırmalar aparılır.
Bölmənin digər xəbərləri
