SALYANDA YOLUXUCU XƏSTƏLİKLƏR YAYILMAYACAQ
Bunu AZƏRTAC-ın müxbirinə rayon gigiyena və epidemiologiya mərkəzinin direktoru Mirəddin Ağayev bildirmişdir. Respublika səhiyyə nazirinin əmrinə əsasən Salyana 7,5 ton xlorlu əhəng, 140 kiloqram solfak və 6 min ədəd evkalipt ağacı göndərilmişdir. 17 həkim briqadası daşqın zonasında dərmanlama işi aparılması ilə məşğuldur. İndiyədək 10 yaşayış məntəqəsində 320 min kvadratmetr ərazi dezinfeksiya edilmişdir. Görülmüş qabaqlayıcı tədbirlər rayonda təhlükəli infeksiyaların yayılmasının qarşısını almağa imkan yaratmışdır.
Bölmənin digər xəbərləri
