ŞAMAXIDA DAĞ XİZƏKÇİLİYİ BAZASI YARADILIR
Rayon mədəniyyət və turizm idarəsindən AZƏRTAC-a bildirmişlər ki, bu məqsədlə dəniz səviyyəsindən 1500 metr yüksəklikdə olan Avaxıl kəndi ərazisində xüsusi sahə ayrılmışdır. Marşrutlar müəyyənləşdirilmiş, dağ zirvəsindən 300 metrlik buraz yolu çəkilmişdir. Habelə, Fransa hökuməti tərəfindən buraya 20 min avro dəyərində avadanlıq gətirilmişdir.
Ərazidə turistlərin istirahəti üçün hər cür şərait yaradılacaqdır. Bu sahə üzrə təcrübə toplamaq məqsədi ilə 2 nəfər azərbaycanlı mütəxəssis Fransada xüsusi kurs keçmişdir.
İşlərin oktyabrın sonunadək başa çatdırılması nəzərdə tutulmuşdur.
Bölmənin digər xəbərləri
