SANKT-PETERBURQDA QAFQAZ ÖLKƏLƏRİ PARLAMENT RƏHBƏRLƏRİNİN GÖRÜŞÜ KEÇİRİLƏCƏKDİR

14.11.2006 [20:11]
Çap et
A⁺ A^-

Milli Məclisin mətbuat xidmətinin rəhbəri Akif Nəsirov AZƏRTAC-a bildirmişdir ki, noyabrın 15-dən 17-dək Sankt-Peterburqda MDB Parlamentlərarası Assambleyasının ümumi yığıncağı, eyni zamanda hüquqi məsələlər, sosial siyasət və insan hüquqları, iqtisadiyyat və maliyyə məsələləri daimi komissiyalarının iclasları keçiriləcəkdir.

Komissiyaların iclaslarında Azərbaycan parlamentinin deputatları da iştirak edəcəklər. Milli Məclisin sədri Oqtay Əsədovun başçılığı ilə nümayəndə heyəti isə noyabrın 16-17-də Assambleya Şurasının və 27-ci ümumi iclasın işində iştirak edəcəkdir. Səfər çərçivəsində Qafqaz dördlüyü – Azərbaycan, Rusiya, Gürcüstan və Ermənistan parlament sədrlərinin görüşləri də nəzərdə tutulmuşdur.

Noyabrın 17-də “Müasir çağırışlara və təhlükəsizliyə olan hədələrə qarşı mübarizədə MDB iştirakçısı dövlətlərinin əməkdaşlığının təkmilləşdirilməsi” mövzusunda beynəlxalq seminar keçiriləcəkdir. Oqtay Əsədovun başçılıq etdiyi nümayəndə heyəti bu tədbirdə də iştirak edəcəkdir.

SANKT-PETERBURQDA QAFQAZ ÖLKƏLƏRİ PARLAMENT RƏHBƏRLƏRİNİN GÖRÜŞÜ KEÇİRİLƏCƏKDİR

MÜƏLLİFLƏ ƏLAQƏ