Sazişsiz Brexit ərzaq təminatında ciddi problemlər yaradacaq
Bakı, 7 avqust, AZƏRTAC
Sazişsiz Brexit ərzaq təminatında ciddi problemlər yaradacaq. AZƏRTAC Reuters agentliyinə istinadla xəbər verir ki, bu xəbərdarlığı Böyük Britaniyanın Ərzaq və İçkilərin İstehsalçıları Federasiyası edib.
Federasiyanın yaydığı məlumatda bildirilir ki, nizamsız və heç bir razılaşma olmadan Böyük Britaniyanın Avropa İttifaqından ayrılması qida sənayesində günlər və aylarla davam edəcək ciddi fasilələrə səbəb ola bilər. Federasiyanın nümayəndəsi Tim Rikroft vurğulayıb ki, qida sektoru - istehsalçılar və təchizatçılar üçün Londonun bu addımı fəlakətlə nəticələnəcək. “Bu sahədə selektiv fasilələr ola bilər və onlar daxil olan xammalın vaxtını, yaxud yük maşınlarının hərəkət cədvəlini dəqiq müəyyən edə bilməyəcəklər. Düşünürük ki, burada ciddi xaos yaranacaq və bu cür vəziyyət bizim Aİ-ni tərk etməyimizdən sonra həftələr və ya aylarla davam edə bilər”.
Bölmənin digər xəbərləri
