“Sazz ” internet şirkəti modemləri pulsuz çatdıracaqdır
Bakı, 30 may (AZƏRTAC). “Sazz” İnternet şirkəti simsiz internetə girişi təmin edən modemlərinin pulsuz çatdırılma xidmətini təklif edir.
Şirkətdən AZƏRTAC-a bildirmişlər ki, internetə qoşulmaq üçün “191”-ə zəng edib sifariş verilməlidir. Modemlərin çatdırılması, quraşdırılması və qeydiyyatı pulsuzdur.
Azərbaycanda “Mobile WiMAX” 4G texnologiyası əsasında fəaliyyət göstərən genişzolaqlı simsiz İnternet xidməti olan “Sazz” İnternet 2010-cu ildə “AzQtel” şirkəti tərəfindən qurulmuşdur. “Sazz” İnternet istifadəçilərə 25 manatlıq aylıq abunə haqqı müqabilində saniyədə 10 meqabaytadək qoşulma sürəti olan standart tarif planını təqdim edir.
Bölmənin digər xəbərləri
