CƏMİYYƏT
Səfir Quo Min: Birləşərək, bəşəriyyətin vahid taleyinin cəmiyyətini quraq
![Səfir Quo Min: Birləşərək, bəşəriyyətin vahid taleyinin cəmiyyətini quraq](/files/2020/2/1200x630/15886099496037758730_1200x630.jpg)
Bakı, 4 may, AZƏRTAC
Çin Xalq Respublikasının Azərbaycandakı fövqəladə və səlahiyyətli səfiri xanım Quo Min “Birləşərək, bəşəriyyətin vahid taleyinin cəmiyyətini quraq” sərlövhəli məqalə yazıb.
AZƏRTAC məqaləni təqdim edir.
2020-ci il qaçılmaz olaraq tarixə yazılacaq. Gözlənilmədən meydana çıxan COVID-19 pandemiyası bütün dünyanı sarsıdaraq 200-dən çox ölkəyə və bölgəyə fəlakət gətirdi. İndiyə qədər virusa yoluxmuş insanların ümumi sayı 3,4 milyonu, ölənlərin sayı isə 240 mini keçib. Qloballaşma fonunda dünya kəndində “fasilə” düyməsi basıldı və epidemiya ilə mübarizə bütün ölkələr üçün prioritet məsələyə çevrilərək, hər birinin idarəetmə sistemini və imkanlarını sınadı. Eyni zamanda, hər bir insan bu tarixi yaşayır və onun şahidi olur.
COVID-19 pandemiyasına məruz qalan ilk ölkə olaraq Çin xəstəliyin qarşısının alınması və ona nəzarət istiqamətində mübarizəyə hamıdan əvvəl başladı. Cənab Sədr Si Cinpinin şəxsi komandanlığı ilə Çin hökuməti insanların həyatının təhlükəsizliyi və sağlamlığını birinci yerə qoyaraq, çətinliklərdən qorxmayaraq və cəsarətlə vuruşaraq, ölkənin bütün qüvvələrini sürətlə səfərbər etdi, misli görünməmiş profilaktika tədbirləri gördü, virusun yayılmasını qətiyyətlə dayandırdı və xəstələrin müalicəsi üçün hər cür səy göstərdi. Üç aydan çox davam edən gərgin zəhmət, böyük səylər və fədakarlıqdan sonra Çin pandemiya ilə mübarizədə böyük bir mərhələli qələbə qazandı. Ölkə daxilində vəziyyətin yaxşılaşdırılması və dünyanın digər yerlərində pandemiya xəstəliyinin başlaması ilə Çin layiqli bir böyük dövlətin yüksək məsuliyyətini öz üzərinə götürərək, pandemiyaya qarşı beynəlxalq əməkdaşlıqda fəal iştirak edərək, vaxtında test, dərman və peyvənd tədqiqatları sahəsində əsas elmi tədqiqat nəticələrini beynəlxalq ictimaiyyətlə bölüşür. Çin koronavirus ilə ölkə daxilində mübarizə aparan zaman 140-dan çox ölkəyə və beynəlxalq təşkilatlara tibbi vasitələr yardımı edir və 20-dən çox ölkəyə tibbi ekspert qrupları göndərməkdədir. Bundan başqa, Çin qlobal iqtisadiyyatın inkişafının ümumi vəziyyəti əsasında öz iqtisadiyyatını fəal şəkildə bərpa edir, dünya iqtisadiyyatının böyük depressiyaya düşməsinin qarşısının alınması üçün ticarət maneələrinin aradan qaldırılmasına kömək edir. Həmçinin Çin Ümumdünya Səhiyyə Təşkilatına, aparıcı, əlaqələndirici rol oynamağı və qlobal ictimai sağlamlıq sahəsində nüfuzlu bir dialoq platformasını təmin etməkdə, çoxtərəfliliyə sadiq qalmaqda və bəşəriyyətin vahid taleyinin cəmiyyəti ruhunda COVID-19 ilə mübarizədə beynəlxalq əməkdaşlığı təşviq etməkdə kömək edir.
COVID-19 ilə mübarizədə Çin və Azərbaycan dünya təhlükəsizlik və inkişaf maraqlarının qorunmasında pandemiyaya qarşı mübarizədə beynəlxalq əməkdaşlığın təşviqinə mühüm töhfə verərək, ikitərəfli və çoxtərəfli müstəvidə bir-birini dəstəkləyir və sıx işbirliyi həyata keçirirlər. İkitərəfli səviyyədə Çin və Azərbaycan hökumətləri və xalqları müxtəlif yollarla qarşılıqlı dəstəyi təmin edərək çiyin-çiyinə dayanıblar: iki ölkənin liderləri bir-birlərinə başsağlığı məktubları göndərib, pandemiyanın qarşısının alınması və nəzarəti ilə bağlı təcrübə mübadiləsi aparılıb, qarşılıqlı maddi yardım göstərilib və s. Bu da yüksək səviyyədə qarşılıqlı etimad, dərin ənənəvi dostluq və iki ölkə arasında ortaq inkişaf konsepsiyasını nümayiş etdirir. Beynəlxalq aləmdə Azərbaycan Çin ilə birlikdə çoxtərəflilik prinsipini dəstəkləyir və COVID-19 ilə mübarizədə beynəlxalq əməkdaşlıqda fəal iştirak edir. Azərbaycan ÜST-ə 5 milyon ABŞ dolları məbləğində maliyyə yardımı göstərdi, epidemiya əleyhinə dərmanları İran, Gürcüstan və digər ölkələrə köçürdü, COVID-19-un geniş yayıldığı Çin, Fransa, Almaniya, İran, İtaliya, Rusiya və başqa ölkələrə dəstək, hörmət və ehtiramını bildirərək, dünya memarlığının abidələrindən biri olan - Heydər Əliyev Mərkəzinin binasında bu dövlətlərin bayraqlarını videoproyeksiya şəklində əks etdirdi. Aprelin 10-da Prezident İlham Əliyevin təşəbbüsü və sədrliyi ilə ÜST-nin Baş direktoru Tedros Adhanom Qebreyesus və Qazaxıstan, Qırğızıstan, Türkmənistan, Türkiyə, Özbəkistan, Macarıstan liderlərinin COVID-19 ilə mübarizə tədbirlərini müzakirə etdikləri videokonfransla Türk Şurasının fövqəladə Zirvə görüşü keçirildi. Həmçinin Qoşulmama Hərəkatının (NAM) sədri olaraq Azərbaycan Prezidenti İlham Əliyevin təşəbbüsü ilə mayın 4-də Hərəkatın Təmas Qrupu formatında videokonfrans vasitəsilə koronavirusla mübarizəyə həsr olunmuş “COVID-19-a qarşı birlikdəyik” mövzusunda Zirvə görüşü keçirildi. Bu, çoxtərəfli əməkdaşlığın dərinləşməsi və çətinlikləri dəf etməyə ÜST-nin çağırışına təsirli addım, Baş direktor Tedros Adhanom Qebreyesusa güclü dəstək və COVID-19-a qarşı mübarizədə sarsılmaz həmrəylik siqnalı oldu. Yuxarıda göstərilən tədbirlər Cənubi Qafqazın lider ölkəsi kimi Azərbaycanın məsuliyyətini aydın şəkildə əks etdirir və Çin bunu çox yüksək qiymətləndirir.
İnsanların viruslarla mübarizəsinin tarixi təkrarlanır, lakin bəşəriyyətin tərəqqisini dayandırmaq olmaz. Yüz ildən çox əvvəl - 1918-ci ildə ölümcül qrip virusu Birinci Dünya müharibəsi ilə birlikdə insanlara hücum edərək çaxnaşma və xaosa səbəb olmuşdu. O dövrdə təxminən 500 milyon insan virusa yoluxmuş və 50 milyondan çox insan dünyasını dəyişmişdi. Bu pandemiya bütün dünyanın tarixi prosesinə əhəmiyyətli dərəcədə təsir göstərmiş, sosial tibbin inkişafına və ictimai səhiyyənin irəliləməsinə töhfə vermiş və müəyyən dərəcədə Dünya Səhiyyə Təşkilatının (indiki ÜST) yaranmasını sürətləndirmişdi.
Yüz ildən çox vaxt keçib, hiyləgər virus inkişaf və mutasiya etməyə davam edərək, hələ də insan sağlamlığını təhdid edir. Ancaq dünya iqtisadiyyatının çiçəklənməsi, elm və texnikanın tərəqqisi, mədəniyyətin inteqrasiyası və ünsiyyət rahatlığı əcdadlarımızın təsəvvürlərindən çox uzaqdır. COVID-19-un ortaya çıxması bir daha sübut edir ki, virus sərhədləri görmür, insanları irqlərə ayırmır. Bəşəriyyət bir taleyin icmasıdır və bir epidemiya bizim ortaq düşmənimizdir. Axı “Güc birlikdədir”. Yalnız birləşərək bütün dünya özünün kollektiv müdrikliyini və gücünü qazanaraq, bəşəriyyətin sağlamlığı və rifahı üçün təhlükə yaradan epidemiyaların aradan qaldırılması üçün ümumi səyləri birləşdirə biləcək.
Sinə ilə keçsən, keçilməyəcək bir dağ yoxdur; Birləşsək, aradan qaldırılmayacaq heç bir maneə və çətinlik yoxdur. Yaxın əməkdaşlıq, beynəlxalq birliyin COVID-19 pandemiyasını məğlub etmək üçün ən güclü silahdır. Yekdil əməkdaşlıq - epidemiyanı aradan qaldırmaq üçün beynəlxalq cəmiyyətin ən güclü silahıdır. Çin ÜST-nin rəhbərliyi və koordinasiyası ilə beynəlxalq ictimaiyyət, o cümlədən Azərbaycan ilə sıx əməkdaşlıq etməyə, bütün dünyada insanların həyat təhlükəsizliyini və sağlamlığını qorumaqda və qlobal ictimai sağlamlığın daha da inkişaf etdirilməsində COVID-19-a qarşı mübarizədə Çin müdrikliyini və Çin layihələrini bölüşməyə davam etməyə hazırdır.
Sonda qardaş Azərbaycan xalqına Prezident İlham Əliyevin möhkəm rəhbərliyi altında koronavirusu ən qısa müddətdə məğlub etməsini və sosial-iqtisadi rifaha nail olmasını arzulayıram.