ŞƏHİDLƏRİN XATİRƏSİNƏ EHTİRAM
Bolqarıstan parlamentinin deputatları Şəhidlər xiyabanında da olmuşlar. Qonaqlar Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən oğullarının xatirəsini ehtiramla anmış, məzarları üstünə və “Əbədi məşəl” xatirə kompleksi önünə gül-çiçək dəstələri düzmüşlər.
Sonra bolqarıstanlı qonaqlar buradan Bakının mənzərəsini seyr etmişlər.
Milli Məclisin beynəlxalq münasibətlər və parlamentlərarası əlaqələr daimi komissiyasının sədri Səməd Seyidov xalqımızın azadlıq mücadiləsinin, Şəhidlər xiyabanının tarixi və şəhərimizdə gedən quruculuq işləri barədə qonaqlara ətraflı məlumat vermişdir.
Bölmənin digər xəbərləri
