Səhiyyə Nazirliyi özəl tibb müəssisələrinə xəbərdarlıq etdi
Bakı, 14 avqust, AZƏRTAC
Səhiyyə Nazirliyi özəl tibb müəssisələrinə bir daha ciddi xəbərdarlıq edib.
Xəbərdarlıqda bildirilir ki, özəl tibb müəssisələri tərəfindən xarici tibb mütəxəssisləri dəvət edilərkən Azərbaycan Respublikası Nazirlər Kabinetinin 12.01.1999-cu il tarixli 5 nömrəli qərarı ilə təsdiq edilmiş “Xarici ölkələrdə hazırlıq alan tibb və əczaçılıq işçilərinin Azərbaycan Respublikasında tibb və əczaçılıq fəaliyyəti ilə məşğul olmağa buraxılması Qaydası”na uyğun olaraq həmin ali və ya orta tibb işçiləri üçün Səhiyyə Nazirliyindən şəhadətnamə alınmalıdır. Şəhadətnamə dəvət edilmiş əcnəbinin tibb mütəxəssisi olması və onun Azərbaycanda tibb və əczaçılıq fəaliyyəti ilə məşğul olmağa buraxılması barədə sənəddir.
Bu barədə AZƏRTAC-a nazirliyin mətbuat xidmətindən məlumat verilib. Məlumata görə, bu tələblərə riayət etməyən şəxslər hüquqi məsuliyyət daşıyacaqlar.
Bölmənin digər xəbərləri
