Səhiyyə Nazirliyi yeni elektron xidmətlərini təqdim etmişdir
Bakı, 7 oktyabr (AZƏRTAC). Səhiyyə Nazirliyi bir sıra yeni elektron xidmətlərini “Elektron hökumət” portalına təqdim etmişdir.
Səhiyyə Nazirliyindən AZƏRTAC-a bildirmişlər ki, yeni xidmətlərə yeyinti məhsullarına “müalicəvi”, “pəhriz” və onlara bərabər tutulan adların və reklam xarakterli digər məlumatların etiketdə yerləşdirilməsinə icazə məktubunun verilməsi, gəminin (daxili sularda üzən gəmilər üçün) sanitariya nəzarətindən azad edilməsi haqqında şəhadətnamənin verilməsi, eləcə də dərman vasitələrinin və dərman maddələrinin dövlət qeydiyyatı şəhadətnaməsinin verilməsi üçün müraciət və sənədlərin qəbulu daxildir.
Bundan əlavə, daxili sularda üzən gəmilərə sanitariya şəhadətnaməsinin verilməsi, qida məhsullarının daşınmasının icazəsi, mehmanxana və mehmanxana tipli obyektlər üçün sanitariya pasportlarının verilməsi üçün müraciət və sənədlər yeni elektron xidmətlər vasitəsilə qəbul olunacaqdır.
Bölmənin digər xəbərləri
