Səidə Ömər: efirdə Azərbaycan gəncliyini təmsil etmək çox şərəflidir
Ankara, 3 fevral, AZƏRTAC
Azərbaycan gözəl olduğu qədər güclü və qüdrətli ölkədir. Efirdə Azərbaycan gəncliyini təmsil etmək qürurverici və çox şərəflidir.
Bu sözləri AZƏRTAC-a müsahibəsində Türkiyənin nüfuzlu “Bengü Türk” televiziya kanalının “Azərbaycan ruzigarı” proqramının aparıcısı Səidə Ömər deyib.
Telejurnalist bildirib ki, ölkəmizdə uğurlu gənclər siyasətinin təməli ümummilli lider Heydər Əliyev tərəfindən qoyulub. Ulu öndər Heydər Əliyev gənclərə hər zaman xüsusi diqqət göstərib, onların yüksək təhsil almalarına qayğı ilə yanaşıb. Bu siyasətin Prezident İlham Əliyev tərəfindən uğurla davam etdirilməsi Azərbaycan gənclərini ruhlandırır, onları Vətənimizə daha böyük məhəbbətlə bağlayır.
S.Ömər əminliklə bildirib ki, Prezident İlham Əliyevin 2 fevral - Azərbaycan Gəncləri Günü münasibətilə respublika toplantısında ölkə gəncliyinə müraciəti hər bir gəncə, xüsusilə xalqımızı xaricdə təmsil edən azərbaycanlılara ölkəmiz naminə daha uğurlu fəaliyyət göstərmək üçün yeni bir stimul verdi.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
