Şəki teatrında monotamaşanın məşqlərinə başlanılıb
Şəki, 5 may, Mustafa Dadaşov, AZƏRTAC
Şəki Dövlət Dram Teatrında daha bir səhnə əsərinin – gənc yazıçı-dramaturq Pərvin Nurəliyevanın müəllifi olduğu “Mən öləndə ağlama...” monopyesi əsasında eyniadlı monotamaşanın masaarxası məşqlərinə başlanılıb.
Bu barədə AZƏRTAC-ın bölgə müxbirinə teatrın ədəbi dram hissəsinin rəhbəri Lalə Məmmədova məlumat verib.
Tamaşanın quruluşçu rejissoru və baletmeysteri Elvin Nuri, quruluşçu rəssamı Sahib Əhmədov, geyim üzrə rəssamı Dilşad Şirinova, musiqi tərtibatçısı Zeynəb Xəlilovadır.
Monotamaşada ruhi dispanserdə müalicə alan, həyatı boyu psixoloji sarsıntılar yaşamış gənc Leylanın əzablı taleyindən bəhs edilir.
Səhnə əsərində Leyla rolunu teatrın gənc aktrisası Aytac İsmayılzadə ifa edir.
Bölmənin digər xəbərləri
