ŞƏKİDƏ AĞIR YOL QƏZA HADİSƏSİ
Şəkinin Dərəcənnət kənd sakini Baloğlan Qocayev idarə etdiyi “KAVZ-672” markalı avtobusu ağaca vurmuşdur. Nəticədə sürücü və 9 sərnişin xəsarət almışdır. İlkin araşdırmalar zamanı məlum olmuşdur ki, qəza yol buz bağladığına görə baş vermişdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, onlar xəstəxanaya yerləşdirilsələr də sərnişin Gültəkin Paşayevanın həyatını xilas etmək mümkün olmamışdır. Sürücü və dörd sərnişin ilkin tibbi yardımdan sonra evlərinə buraxılmışdır. Hazırda sərnişinlərdən Bəsti Nəbiyevanın vəziyyəti ağır, Müşvüq Qurbanovun və Nəzakət Məmmədovanın vəziyyətləri orta ağırdır.
Bölmənin digər xəbərləri
