ŞƏKİDƏ BÖYÜK ŞƏXSİYYƏTLƏRƏ ABİDƏ UCALDILACAQDIR
AZƏRTAC xəbər verir ki, Şəki şəhərində bu şəhərlə bağlı tarixi şəxsiyyətlərə abidələr ucaldılacaqdır. Həmin abidələr arasında Nadir şaha «Gələrsən, görərsən» cavabını verərək, öz qəhrəmanlığını göstərən Şəki xanı Hacı Çələbi xanın heykəli də olacaqdır.
Artıq heykəllərin yerləri və eskizləri hazırdır. Hacı Çələbinin at üstündə heykəli Şəkinin qala divarları qarşısında qoyulacaqdır. Şəki Xanlarının sarayı kompleksinin qarşısında isə Xan sarayını inşa etdirən Hüseyn xan Müştaqın heykəli olacaqdır. Bundan başqa, Azərbaycan folklorunu yaşadanlardan biri, folklorşünas Salman Mümtazın, gülüş ustaları Lütfəli Abdullayevin və Bəşir Səfəroğlunun heykəlləri də ucaldılacaqdır.
Kiş alban məbədinin bərpasında öz qiymətli tövsiyələrini verən görkəmli səyyah Tur Xeyerdalın büstü isə elə həmin məbədin yaxınlığında qoyulacaqdır.
Bölmənin digər xəbərləri
