ŞƏKİDƏ HEYVANDARLIQ SAHƏSİ DİNAMİK İNKİŞAF ETDİRİLİR
Şəki Şəhər İcra Hakimiyyətindən AZƏRTAC-a bildirmişlər ki, 2007-ci ilin ötən dövründə rayonda kənd təsərrüfatının digər sahələrində olduğu kimi, heyvandarlıq məhsulları istehsalında da dinamik artım müşahidə olunmuşdur. Doqquzaylıq statistik məlumata görə, əhalidə və fermer təsərrüfatlarında mövcud olan qaramalın sayı keçən ilin eyni dövrü ilə müqayisədə 10,4 faiz artaraq 80 min 435 başa, davarların sayı isə 22 faiz artaraq 295 min 460 başa çatmışdır.
Hesabat dövründə rayonda diri çəkidə 4 min 914 ton ət, 32 min 346 ton süd, 340 ton yun istehsal olunmuşdur.
Bölmənin digər xəbərləri
