ŞƏKİDƏ KƏND TƏSƏRRÜFATI MƏHSULLARI İSTEHSALI 5 FAİZ ARTMIŞDIR
Şəki, 17 fevral (AZƏRTAC). 2009-cu ildə Şəki rayonunda kənd təsərrüfatı məhsulları istehsalı ondan əvvəlki ilə nisbətən 5 faiz artaraq, 119 milyon 789 min manat təşkil etmişdir.
Taxılçılar 86 min 433 hektar payızlıq taxıl sahəsindən 218 min 902 ton məhsul tədarük etmişlər. İl ərzində fermerlər 11 min 672 ton kartof, 24 min ton tərəvəz, 19 min ton meyvə, 7.500 ton bostan məhsulları, 859 ton quru tütün, 886 ton günəbaxan, 5 ton barama istehsal etmişlər.
Ötən il rayonda heyvandarlıq məhsulları istehsalında da dinamik artım müşahidə olunmuşdur. Təsərrüfatlarda olan qaramalın sayı 1.504 baş, davarların sayı 24 min 534 baş, ev quşlarının sayı 5.687 baş, arı ailələrinin sayı isə 218 ailə artmışdır. Hesabat ilində fermerlər 2008-ci ilə nisbətən 268 ton ət, 329 ton süd, 4 ton yun, 660 min ədəd yumurta çox istehsal etmişlər.
Bölmənin digər xəbərləri
