ŞƏKİDƏ KƏND TƏSƏRRÜFATI MƏHSULLARININ İSTEHSALI ARTMIŞDIR
Şəki Şəhər İcra Hakimiyyətinin aqrar məsələlər şöbəsindən AZƏRTAC-a bildirmişlər ki, 2006-cı ildə rayonda kənd təsərrüfatı məhsullarının istehsalında sürətli artım olmuşdur. İl ərzində rayonda qaramalın sayı 73 min 809 başa, qoyun-keçilərin sayı 239 min 604 başa, ev quşlarının sayı 243 min 403 başa, arı ailələrinin sayı isə 2450-yə çatdırılmışdır. İl ərzində rayonda ət istehsalı 2005-ci illə müqayisədə 300 ton, süd istehsalı 3031 ton, yumurta istehsalı 476 min ədəd, yun istehsalı isə 38 ton artmışdır.
Heyvandarlığın inkişafı və qaramalın cins tərkibinin yaxşılaşdırılması məqsədi ilə 2006-cı ildə rayonda 2 yeni özəl damazlıq təsərrüfatı və 2 süni mayalandırma məntəqəsi yaradılmışdır.
Hazırda rayonun Orta Zəyzid kəndi ərazisində 600 başlıq yeni damazlıq heyvandarlıq kompleksinin tikintisi sürətlə davam etdirilir.
Bölmənin digər xəbərləri
