ŞƏKİLİ İŞ ADAMININ XEYİRXAH TƏŞƏBBÜSÜ
Şəkili iş adamı Cavanşir Feyziyev şəxsi vəsaiti ilə rayonun Böyük Dəhnə kəndində 624 şagird yeri olan müasir tipli yeni orta məktəb binası tikdirir. Yeni dərs ilinədək istifadəyə verilməsi nəzərdə tutulan bu təhsil ocağına kənddə köhnə binada yerləşən orta məktəb köçürüləcəkdir.
Rayon icra hakimiyyətindən AZƏRTAC-a bildirmişlər ki, 40 nəfər işçinin çalışdığı bu obyektin tikintisinə kənd sakinləri də yaxından kömək göstərirlər. Məktəbin həyətində ayrıca idman zalı da inşa edilir və burada geniş abadlıq işləri aparılır. Tikinti başa çatdıqdan sonra məktəb binası rayon təhsil şöbəsinin balansına veriləcəkdir.
Bölmənin digər xəbərləri
