“SƏKKİZLİY”İN YALNIZ BİR LİDERİ KLUBUN GENİŞLƏNDİRİLMƏSİNİ ZƏRURİ SAYIR
“Böyük səkkizliy”in yalnız bir lideri klubun digər sənaye ölkələrinin hesabına genişləndirilməsini zəruri sayır. AZƏRTAC xəbər verir ki, bunu Yaponiya XİN-in rəsmi nümayəndəsi Kadzuo Kodama iyulun 8-də keçirilən mətbuat konfransında bildirmişdir.
Ad çəkməyəcəyi barədə əvvəlcədən xəbərdarlıq edən diplomat demişdir ki, liderlərdən biri “səkkizliy”i genişləndirməyə tərəfdar çıxmışdır. Klubun digər üzvləri bu təklifi dəstəkləməmişlər. Etiraz edən 3 lider bildirmişdir ki, “böyük səkkizliy”in ümumi dəyərlərə şərik olan liderlər üçün bağlı diskussiya meydançası olmasını qiymətləndirmək lazımdır. İkinci arqument kimi iştirakçıların sayının artması ilə diskussiyaların keyfiyyətinin azalacağı göstərilmişdir. Eyni zamanda vurğulanmışdır ki, “səkkizlik” digər ölkələrlə müxtəlif formatlarda əməkdaşlıq edir. Məsələn, hazırkı görüşə 16 ölkənin, o cümlədən Avstraliya, Çin, Braziliya, Hindistanın liderləri dəvət olunmuşlar.
Bölmənin digər xəbərləri
