SƏMƏD VURĞUNUN 100 İLLİK YUBİLEYİ ZAQATALADA GENİŞ QEYD OLUNMUŞDUR
Tədbir iştirakçıları əvvəlcə şairin Aşağı Tala kəndində ucaldılan abidəsini ziyarət edərək, büstünün önünə gül-çiçək dəstələri düzmüşlər.
Gecəni giriş sözü ilə açan Zaqatala Rayon İcra Hakimiyyətinin başçısı Asif Əsgərov böyük şairin yubileyinin yüksək səviyyədə qeyd olunması məqsədi ilə xüsusi sərəncam imzalandığından, geniş tədbirlər planı hazırlandığından, o cümlədən rayonda da yubiley tədbirlərinin həyata keçirildiyindən söhbət açmışdır.
Çıxış edən natiqlər Səməd Vurğunun həyat və yaradıcılığından, zəngin ədəbi irsindən danışmış, şairin həyatı və fəaliyyəti ilə bağlı xoş xatirələrini bölüşmüş, ölməz şairin yubiley tədbirinin yüksək səviyyədə təşkilinə görə rayon rəhbərliyinə minnətdarlığını bildirmişlər.
Tədbirdə rayon mədəniyyət evi nəzdində fəaliyyət göstərən Xalq teatrı aktyorlarının ifasında “Vaqif” dramından bir parça nümayiş etdirilmiş, şairin şeirlərinə bəstələnmiş mahnılar ifa olunmuşdur.
Gecədə şairin oğlu Vaqif Səmədoğlu iştirak etmişdir.
Bölmənin digər xəbərləri
