ELM VƏ TƏHSİL
SƏMƏRQƏNDDƏ TANINMIŞ SOYDAŞIMIZIN YUBİLEYİ QEYD EDİLİR
“Zərəfşan” qəzeti Yusif Ələsgərovu “Səmərqəndin tarixini yazan görkəmli alim” adlandırmışdır. Qəzet yazır: “Tanınmış alimin Səmərqəndin tarixi haqqında 10-dan artıq sanballı tədqiqat əsəri, 200-dək məqaləsi çap edilmişdir. Müəllifin “Əsrlərə bərabər illər”, “Səmərqənd”, “Uluğbəy rəsədxanası” kitabları dəfələrlə işıq üzü görmüşüdr. Yusif Ələsgərov Özbəkistanın əməkdar elm xadimi adına layiq görülmüşdür”.
Yusif Ələsgərovun yubileyi ilə bağlı Səmərqənd televiziyasının hazırladığı proqramda Səmərqənd Dövlət Universitetinin dosenti, Azərbaycan-Özbəkistan iqtisadi-mədəni əlaqələr mərkəzinin sədri Səxavət Ociyev, alimin nəvəsi Oleq Ələsgərov Y.Ələsgərov haqqında danışmış, tanınmış alimin tələbələri sevimli müəllimləri ilə bağlı xatirələrini söyləmişlər.