Şəmkir rayonunda iki yanğın hadisəsi baş verib
Bakı, 29 dekabr, AZƏRTAC
Şəmkir rayonunda iki yanğın hadisəsi baş verib.
Fövqəladə Hallar Nazirliyinin mətbuat xidmətindən AZƏRTAC-a bildiriblər ki, rayon ərazisində ümumi sahəsi 150 kvadratmetr olan ikimərtəbəli evin 85 kvadratmetrlik hissəsi yanıb. Evin qalan hissəsi yanğından mühafizə olunub.
Həmçinin “Scania” markalı yük avtomobili, eləcə də nəqliyyat vasitəsinin banına yığılan dərman preparatları yanıb. Yol kənarındakı kommunikasiya xətləri yanğından mühafizə olunub.
Hər iki hadisə zamanı alov yanğından mühafizə bölmələri tərəfindən söndürülüb, araşdırma aparılır.
Bölmənin digər xəbərləri
