ŞƏMKİR SES MMC QIŞ MÖVSÜMÜNƏ HAZIRDIR
Şəmkir SES Silsilə Məhdud Məsulyyətli Cəmiyyətinin direktoru Misir Yusifov AZƏRTAC-ın müxbirinə demişdir ki, qış mövsümündə enerji təchizatı sahəsində problem olmayacaqdır.
Silsiləni əhatə edən Yenikənd və Şəmkir su elektrik stansiyalarında (SES) payız-qış mövsümünə hazırlıq işləri başa çatdırılmışdır. Yenikənd SES-də 4, Şəmkir SES-də isə 2 aqreqat əsaslı təmir edilmişdir.
Hazırda əlavə qurğularda cari təmir işləri aparılır ki, bu işlər də yaxın vaxtlarda başa çatdırılacaqdır.
