Serbiyada qanunsuz miqrantlara qarşı keçirilən əməliyyatda 600-dən çox insan saxlanılıb
Belqrad, 28 noyabr, AZƏRTAC
Serbiyanın Macarıstanla sərhədində yerləşən Horqos qəsəbəsində qeyri-qanuni miqrantlar arasında silahlı qarşıdurma olduğu barədə xəbərlər daxil olduqdan sonra genişmiqyaslı əməliyyat keçirilib və 600-dən çox insan saxlanılıb.
AZƏRTAC xəbər verir ki, Serbiyanın Daxili İşlər Nazirliyi Horqos qəsəbəsindəki qanunsuz mühacirlərin küçələrdə bir-birilərinə atəş açdıqları barədə xəbərin olduğunu, daha sonra polis qruplarının bölgədə əməliyyat keçirdiyini bildirib. Serbiyanın xüsusi polis qüvvələrinin helikopter və pilotsuz uçuş aparatları ilə həyata keçirdiyi əməliyyatda 600-dən çox miqrant saxlanılıb, onlardan 6-sı hadisə yerində həbs olunub.
Əməliyyat paytaxt Belqrad şəhərini də əhatə edib.
Nihad Budaqov
AZƏRTAC-ın xüsusi müxbiri
Belqrad
Bölmənin digər xəbərləri
