SƏRHƏDÇİLƏR QAÇAQMALÇILIĞA QARŞI MÜBARİZƏDƏ SAYIQLIQ GÖSTƏRİRLƏR
Azərbaycan Dövlət Sərhəd Xidmətindən AZƏRTAC-a bildirmişlər ki,
Azərbaycandan Gürcüstana 300 litr dizel yanacağı, 750 kiloqram əlvan metal, 33 kiloqram nərə balığı, 13 növdə parça, əntiq əşyalar, o cümlədən 6 ədəd gümüş kəmər, 6 ədəd bilərzik, 2 ədəd boyunbağı aparılmasının, habelə qonşu ölkədən respublikamıza 1380 qutu müxtəlif markalı siqaret, 235 litr spirt, 60 kiloqram hisə verilmiş balıq məhsulu, 500 ədəd “Koletti” saç rəngi və 720 kiloqram “Ona” yağının qanunsuz olaraq gətirilməsinin qarşısı alınmışdır.
İran İslam Respublikası ilə dövlət sərhədində də bir sıra qaçaqmalçılıq faktları qeydə alınmışdır. Belə ki, Azərbaycandan İrana 4,6 ton əlvan metal, 830 ədəd qısaqol kişi köynəyinin aparılmasına, İrandan ölkəmizə 2590 qutu müxtəlif markalı siqaret və 167 ədəd müxtəlif ehtiyat hissələrin keçirilməsinə yol verilməmişdir.
Göstərilən dövrdə dövlət sərhədini pozduğuna görə 23 nəfər sərhəd pozucusu qismində, 113 nəfər isə sərhəd rejimi qaydalarına riayət etmədiyinə görə saxlanılmış və barələrində müvafiq tədbirlər görülmüşdür.
Bölmənin digər xəbərləri
