SƏUDİYYƏ ƏRƏBİSTANI 72 ƏDƏD “AVROFAYTER-TUFAN” TƏYYARƏSİ ALACAQDIR
Səudiyyə Ərəbistanı hərbi hava qüvvələrini modernləşdirməyi qərara almışdır. Ölkə son onillikdə ən çox sayda çoxməqsədli “Avrofayter-tufan” döyüş təyyarələri alacaqdır. AZƏRTAC İTAR-TASS-a istinadla xəbər verir ki, Səudiyyə Ərəbistanının xarici işlər naziri şahzadə Səud əl-Feysəl bildirmişdir ki, Londonla əldə olunmuş razılığa əsasən, krallığın döyüş təyyarələri yeniləri ilə əvəz olunacaq və ən yeni Avropa qırıcı təyyarələri alınacaqdır.
Britaniya mətbuatının yazdığına görə, Ər-Riyad 5 milyard dollara 72 “Avrofayter” alacaqdır.
Səudiyyə Ərəbistanının çoxməqsədli ümumavropa təyyarəsini seçməsi Fransanın ciddi uğursuzluğu deməkdir. Fransa krallığa özünün ən yeni “Rafal” təyyarəsini satmaq niyyətində idi.
Bölmənin digər xəbərləri
