SƏUDİYYƏ ƏRƏBİSTANI AZƏRBAYCANLA ƏLAQƏLƏRİN İNKİŞAFINA DAİM MARAQ GÖSTƏRİR
Yanvarın 11-də Azərbaycanın Səudiyyə Ərəbistanındakı səfiri Elman Araslı krallığın İxsa vilayətinin qubernatoru əmir Bədr əl-Cələbi ilə görüşmüşdür.
Səfirlikdən AZƏRTAC-a bildirmişlər ki, qubernator ölkəsinin Azərbaycanla əlaqələrinin inkişafına daim maraq göstərdiyini vurğulamış, İxsa vilayətinin işğüzar dairələri ilə respublikamızın şirkətləri arasında iqtisadi-ticari münasibətlərin yaranmasında səfirliyin fəaliyyətini yüksək dəyərləndirmişdir.
Səfir Elman Araslı həmin gün vilayətin Ticarət-Sənaye Palatasında məruzə etmişdir. O, palataya toplaşan iş adamlarına ölkəmizin iqtisadi potensialı badərə ətraflı məlumat vermiş, iki dövlət arasında işgüzar əlaqələrin genişlənməsi üçün kifayət qədər imkanlar olduğundan danışmışdır.
Bölmənin digər xəbərləri
