SEUL KXDR-İN RAKET BAZALARINA ZƏRBƏ ENDİRMƏK TƏKLİFİNİ TƏNQİD EDİR
Cənubi Koreya Prezidentinin nümayəndəsi Çjun De Ho “Yaponiya rəsmilərinin Koreya yarımadasında və Şimal-Şərqi Asiyada sülhü sarsıdan hədələrini” pisləyən bəyanat vermişdir.
Seul problemin həlli üçün diplomatik üsullardan istifadə etmək və Şimali Koreyanın iyulun 5-də orta və uzaqmənzilli yeddi raket buraxması məsələsini iki Koreya hökumətləri nümayəndələrinin nazirlər səviyyəsində Pusanda (Cənubi Koreya) keçiriləcək görüşündə qaldırmaq niyyətindədir.
Xatırladaq ki, Yaponiya Nazirlər Kabinetinin baş katibi Sindzo Abe bu günlərdə Tokioda keçirilən mətbuat konfransında bəyan etmişdir ki, Yaponiya özünümüdafiə tədbirləri kimi, Şimali Koreyanın raket bazalarına qabaqlayıcı zərbə endirilməsinin mümkünlüyünü nəzərdən keçirməlidir və “belə addımın konstitusiyaya müvafiqliyi məsələsi üzrə geniş diskussiya aparılmalıdır”.
Yaponiya Konstitusiyasının müddəalarına görə, ölkə ordu saxlamaq hüququna malik deyildir və “beynəlxalq mübahisələrin həlli vasitəsi kimi hərbi əməliyyatlar aparmaqdan əbədi olaraq imtina edir”.
Bölmənin digər xəbərləri
